Алимент өндіру туралы іс медиация тәртібімен реттелді

Қармақшы аудандық сотына талап қоюшы А. әкесі болып табылатын жауапкер Е.-дан 3 жасқа дейін алимент өндіру туралы талап қою арызымен жүгінген. Азаматтық істі қарау барысында тараптар медиация тәртібімен өзара бітімгершілікке келгендерін көрсетіп, араларындағы келісімді бекітуді сұрады. ҚР Азаматтық процестік Кодексінің 277-бабының 6-тармақшасына сәйкес, сот егер тараптар дауды медиация тәртібімен реттеу туралы келісім жасаса және оны сот бекітсе, іс бойынша іс жүргізуді тоқтатады. Сот ұйғарымымен талап қоюшы мен жауапкер арасындағы дауды медиация тәртібімен реттеу туралы келісім бекітілді. Келісімге сәйкес, жауапкер баласы 3 жасқа толғанға дейін, яғни 2024 жылдың сәуір айына дейін ай сайын алимент төлеуге міндеттеледі.