Жолдау – ел өркендеуінің негізі

Мемлекет басшысының жыл сайынғы дәстүрлі Жолдауын жұртшылық әрқашан үлкен үмітпен күтеді. Сондықтан Президетіміз Қ.Тоқаевтың Қазақстан халқына Жолдауын ерекше ықласпен тыңдадым. Жыл сайынғы Жолдаудың ел дамуы жолындағы маңыздылығы орасан екені айтпаса да айқын. Онда айтылған түйінді мәселелер және оларды шешуге байланысты нақты міндеттер біздің ертеңгі күнге деген сенімімізді бұрынғыдан да нығайта түсетіні аңық.

Жолдауда көтерілген қоғамдық-саяси, әлеуметтік-экономикалық және қауіпсіздік салаларындағы қандай мәселе болса да олардың ел тілегін ескеруден туғанын әрбір азаматтың түсінуі қиын емес. Осындай салиқалы Жолдаудың тәуелсіздігіміздің 30 жылдық мерейтой жылы айтылуы да әбден заңды болса керек.

Президентіміздің, әсіресе мәдениет қызметкерлерін қолдау туралы талабы зор ризашылық сезіміге бөледі. 2025 жылға дейін кітапхана, музей, театр қызметкерлерінің жалақыларын жыл сайын 20 пайызға көтеру – ел руханиятына және мәдениет қызметкерлеріне деген шынайы жанашырлық деп білеміз.

Әрбір қазақстандық өз тарапымыздан Жолдау айқындаған мақсатқа жету жолында жұмыла еңбек етуіміз керек.