Мәдениет – әр ұлттың рухани болмысы, ақыл-ой парасаты, бет-бейнесі. Мәдениет – қоғамның айнасы. Қалың көрерменнің жүрегінен орын тауып, рухани байлық сыйлайтын да осы сала. Мәдениет үйін жан-жақты, жас мамандармен толықтыруды қалаймыз. «Жастар жылында» мүмкіндіктің барлығы қарастырылуда. Оған тағы бір дәлел Парламент біріккен отырысының VI шақырылымының V сессиясы барысында "Сындарлы қоғамдық диалог – Қазақстанның тұрақтылығы мен өркендеуінің негізі" тақырыбындағы Қазақстан Республикасының Президенті Қасым-Жомарт Тоқаевтың  халыққа Жолдауы. Халық бұл жолдаудан жаңа бағыт пен жаңа міндеттер күтті. Мемлекет басшысының алғашқы жолдауы көпшілікке үміт сыйлағандай. Маңызды құжатта мәдениет қызметкерлерін қолдау мәселесі кеңінен қамтылды.

Келесі жылдан бастап мәдениет саласында жұмыс істейтін азаматтардың, оның ішінде кітапхана, музей, театр қызметкерлерінің еңбекақысын көтеруді, жас мамандарды жеңілдігі бар тұрғын үй бағдарламасына қатысуын тапсырды. Сондай-ақ, білім беру және денсаулық сақтау саласындағы міндетті әлеуметтік жеңілдіктер мәдениет саласының өкілдеріне де берілуі керегін алға тартты.

Бұл – осы салада қызмет атқаратын жандарға берілген зор мүмкіндік.