ЖОЛДАУ ЖІГЕР СЫЙЛАДЫ
Елбасының жыл сайынғы Жолдауын Қазақстан халқы асыға күтеді. Өйткені, ол баршамыз үшін болашаққа жол сілтер бағыт – бағдарымыз іспетті. Жосалы ауылдық округі әкімінің аппаратында мемлекет басшысының дәстүрлі Жолдауын насихаттау мақсатында дөңгелек үстел өтті.
Дөңгелек үстелге ауылдық «Ардагерлер кеңесінің» мүшесі С.Сисенов, «Әйелдер кеңесінің» төрайымы, ардагер ұстаз Б.Құлахметова және мекеме басшылары қатысты. Шара барысында ауыл әкімі С.Есқалиева сөз сөйлеп, Жолдаудың төртінші «Көлік логистика инфрақұрылымының тиімділігін арттыру» бағытына кеңінен тоқталып өтті. Сонымен қатар шараға қатысушылар Елбасы белгілеген негізгі бағыттарды сөз етіп, өз пікірлерін білдірді.
Дөңгелек үстел Елбасының: «Мен үшін қашанда мемлекет мүддесі мен ел игілігі жолында қызмет атқарудан артық бақыт болған емес. Елімізде атқарар қыруар істер бар. Бұл жолда біздің ең басты байлығымыз – берекелі бірлігіміз», – деген жігер берер сөзімен қорытындыланды.
