Ауыл әкімі жылыжай мен алма өсіретін бақта болды
Ауылдық округ әкімі Нурлыбек Сайымов «Достық Жер МК» ЖШС-нің жанынан құрылған жылыжай жұмысымен танысты.
Аумағы 10 соттық болатын жылыжайда жуа, қызанақ пен қияр, болгар бұрышы мен баклажан және тағы басқа көкөністер егілген. Мұнда 2 адам жұмыспен қамтылып, нәпақасын айырып жүр. Жиналған өнім егіс бригадаларына үлестіріледі. Меңгеруші Еркин Абсейтов алдағы уақытта қосымша құлпынай, лимон өсіретін 2-3 жылыжай қосу жоспарда барын жеткізді.
Сондай ақ, ауыл әкімі биыл қолға алынған алма баққа барып көшеттердің шығымдылығын көрді. Аумағы 2 гектар жерге алманың "Скарлата паруса"," Golden Delicious" және "Gala" сорттарынан 2500 көшет егілген. Сәтін салса, 2-3 жылда тұрғындар жергілікті өнімнен дәм татпақ.
Ауыл әкімі бұл жұмыстардың өзгелерге үлгі болатынын тілге тиек етіп, шаруалаға сәттілік тіледі.
III Интернационал Ауылы ауылының ақпараттық парақшасынан
