Қармақшы ауданы ІІІ Интернационал ауылдық округінде жылыжай құрылысының жұмыстары жүргізілуде.

Ауылдық елді мекендерді аралау сапары барысында аудан әкімінің орынбасары Ж.Ерқосаев пен аудандық аудандық кәсіпкерлік, өнеркәсіп және туризм бөлімінің басшысы Е.Әбдікеров ауылдағы жаңадан салынған жылыжайдың құрылысымен танысты.

Бүгінгі таңда 8х25 шаршы аумақты алып жатқан жылыжай құрылысына 4 адам жұмыспен қамтылып, қосымша тағы бір жылыжай құрылысын салу жоспарланған.

Аралап танысу барысында аудан әкімінің орынбасары Жұлдызхан Байназарұлы мұндай жылыжайларды ауылдық елді мекендерде салып көбейту керектігін атап өтті.

- Мұндай әдістерді ауыл шаруашылығында пайдалану арқылы көкөніспен тұрғындарды ерте қамтуға мүмкіндік береді. Сонымен қатар суды үнемдеп пайдалану және жаңа технологияларды енгізу жатыр. Сондықтан кәсіпкерлерге тиімді әдістерді түсіндіру маңызды,- деді.

Қазіргі таңда аудан көлемінде ауыл шаруашылығы саласында оның ішінде егін шаруашылығында әртараптандыру жұмыстары қолға алынуда.

Сонымен қатар ауылдық елді мекендердің барлығында жылыжай құрылыстарын салу, агроаймақтар құру туралы тапсырмалар беріліп, бүгінгі таңда бұл бағытта ауқымды жұмыстар атқарылуда.