Шаруа қожалығында болды

ІІІ Интернационал ауылдық округінің әкімі Нурлыбек Сайымов ауылдағы жеке "Береке" шаруа қожалығында болып, ондағы жұмыс барысымен танысып, бақша өнімдерін аралап, қожалық иесі Арифов Камильмен пікірлесті.
Айтар болсақ, кәсіп иесі Арифов Камиль көп жылдардан бері өз отбасымен, бауырларымен бірге егінмен айналысып келеді. Мұнда картоп,сәбіз,қызылша,қызанақ,қияр,кәді (баклажан),бұрыштар секілді барлық көкіністерді егіп шаруасын дөңгелетіп отыр.

Әңгіме барысында К.Арифов қазіргі таңда Қармақшы аудандық орталық базарына күніне 35-40 килограмм қияр апарып, базар бағасынан төмен сатып жатқанын және енді амандық болса 10-15 күнде қызанақты да аудан орталық базарына жеткізетінін айтты.
Иә, елмен,елдің тыныс-тіршілігімен жақын танысып жүрген жаңа әкім,"Береке"шаруа қожалығындағы қайнап жатқан қызу еңбекке береке тіледі.