Әдетінше аудандық сот баспасөз конференциясын өткізіп, алты айға қорытынды жасады. Сот төрағасы Дархан Кентбаев сот төрелігін жүзеге асыру барысында атқарған жұмысына есеп берді.

Ағымдағы жылдың алтыншы айында аудандық сот өндірісінде барлығы 25 адамға қатысты 24 қылмыстық іс қаралып аяқталып, 21 қылмыстық іс бойынша 22 адамға үкім шығарылған. 3 қылмыстық іс бойынша 3 адамға қатысты қылмыстық іс өндірістен тоқтатылған.

Ал есепті мерзімде аудандық сотта 234 азаматтық іс қаралып аяқталған. Оның ішінде 24 арыз бойынша сот бұйрығы, 118 азаматтық іс бойынша шешім шығарылған. 38 азаматтық іс бойынша арыздар қараусыз қалдырылып, оның 43-і медиация тәртібімен шешімін тапқан. 49 азаматтық іс бойынша оңтайлатылған іс жүргізу тәртібімен шешім қабылданған.

2021 жылдың 6 айында аудандық сотта барлығы 181-құқық бұзушыға қатысты 181 әкімшілік іс түсіп, 178-құқық бұзушыға қатысты 178 әкімшілік іс аяқталып, 3 іс қалдыққа қалған. Сонымен қатар «Сот кабинеті» сервисі арқылы 262 талап арыз, 180 әкімшілік іс түскен.

Есепті мерзімде істер аудио, бейнежазба, TrueConf, Zoom, Whatsapp жүйелері арқылы жүргізілген.

Баспасөз конференциясын қорытындылай келе сот төрағасы Д.Кентбаев сот жүйесі төңірегінде туындаған барлық сұрақтарға жауап беріп, алдағы уақытта сот ісін жүргізуді әрі қарай жетіле түсетінін айтты.