Жұқпалы індет жоламасын десек...

Бізде санитарлық нормаларды сақтайтын мекемелер, азаматтар бар. Ал, бірақ сауда орталықтарында, әсіресе көшелерде бетперде тағу, арақашықтықты сақтау ережелері ұмыт қалады. Соңғы күндері бәріміз осы коронавирус туралы көп айтамыз, тыңдаймыз, Бірақ індет тарамау үшін әрекет қылмаймыз.

Шын мәнінде, былтырғы қателігімізден ешкім сабақ алған жоқ. Үкімет қойған шектеуді елемей отырмыз. Билік азаматтарға бетперде тағып, үйден шықпау керегін, вирус қаупі қайта артып келе жатқанын айтқанымен, халық қазір вакцинаның тиімділігіне күмәнмен қарағаны секілді бұл ескертулерге бей-жай қарауда.

Той, ас, тағы басқа отбасылық іс-шараны болдырмау, уақытша қонаққа баруды азайту, сыртта жүргенде бетпердемен жүру, вакцина туралы әртүрлі алыпқашпа сөзге ермей, тез арада вакцина алу қажет. Себебі аты жаман індеттен қорғанудың бірден-бір жолы осы екпеде болып тұр.