Аудан айнасына – 89 жыл
Аудан тарихында «Қармақшы таңының» ізгілікті ізі бар. Әр жылдары басылымның аты өзгергенмен заты сақталып, ол қашанда өңір өмірінің айнасына айналып келеді. Ауданымыздың бас газеті атағын абыроймен алып келе жатқан газет тәуелсіздік жылдарында тыңнан түлеп, шын мәнінде бұқаралық басылымға атанды.
Бүгінде бес мыңға жуық тұрақты оқырманы болса, жыл сайын басылымға жазылушылар қатарының көбейіп келе жатқаны қуантады.
1932 жылдың 12 сәуірінде алғашқы саны шыққан «Қармақшы таңы» газеті 89 жасқа толды. Газет тарихында қолтаңбасы қалған аға-апалар мен әзиз әріптестерді мерекемен құттықтап, шығармашылық табыс тілейміз.
