Санитарлық талаптарды сақтау маңызды

Елімізде қабылданған жаңа қаулыға сәйкес сәуір айынан бастап мектеп оқушыларының оқу форматына қатысты өзгеріс енгізілді. Қаулыға еліміздің бас санитар дәрігері қол қойды. Яғни 2020-2021 оқу жылының төртінші тоқсанында мектеп оқушыларын оқыту дәстүрлі форматта өтеді. Бұл қауіп жоқ дегенді білдірмейді. Босаңсуға әлі ерте. Оқушылар мен ұстаздар бетперде тағып, арақашықтықты сақтауға, антисептик қолдануға міндетті.

Әр апта сайын №250 мектеп-лицей оқушыларына тәрбие сағатында жеке бастың гигиенасы мен қауіпсіздікті сақтауға қатысты кеңестер мен түсіндірмелер айтылып келеді. Жаңа оқу тоқсанының алдында да ескертпелер жасалып, оқушылармен жұмыстар жүргізілді.