Зорлық-зомбылықтан сақтандыру мақсатында қыздар жиналысы өткізілді
Т.Көмекбаев атындағы №250 мектеп_лицейінің 8-11 сынып арасында "Жыныстық қол сұғылмаушылық" зорлық-зомбылықтан сақтандыру мақсатында қыздар жиналысы болып өтті. Жиналысқа мектеп-лицей директоры Г.Мұнарбаева, аудандық емхананың тері аурулар дәрігері А.Балмаханова, емхана бас акушері А.Мерековалар қатысты. Қыздар жиналысын мектеп-лицей директоры Г.Мұнарбаева ашып сөз сөйледі. Өз сөзінде мектеп-лицей директоры қыздардың әдептілігі туралы, жеке бас гигиенасы туралы, тағы да басқа мәселелерді айтып өтті. Аудандық емхана дәрігері А.Балмаханова "Жыныстық жолмен жұғатын жұқпалы аурулар" туралы баяндама жасады. Баяндамада дәрігер аурудың жұғу жолдары, инфекция көзі, сақтану, қорғану, алдын-алу жолдарын айтып өтті.
Қыздар арасындағы ерте жүктіліктің салдары, қорғану жолдары, денсаулыққа зияны, өмірге қауіптілігі туралы ауқымды әңгіме жүргізді. АИТВ/ЖИТС аурулары туралы үн парақтар таратылды.Аудандық емхананың бас акушері А.Мерекова қыздардың жеке бас гигиенасы, тазалығы жайлы түсіндірме жұмыстарын жасады. Жиналыс соңында мектеп-лицей директорының тәрбие-ісі жөніндегі орынбасары Г.Аяпова кешкі уақытта қыдырмау, өзін дұрыс ұстау, ерсі қылықтар жасамау керек екендігін айтып өтті.
