Әдеп кодексі талаптарының сақталуы маңызды

Қармақшы ауданы әкімінің орынбасары, Әдеп жөніндегі уәкіл Ж.Еркусаев Ақжар ауылдық округі әкімшілігінің қызметкерлерімен арнайы кездесіп, Әдеп Кодексі талаптарының сақталуы туралы түсіндірме жұмыстарын жүргізді.

Кездесу барысында Әдеп жөніндегі уәкіл Жұлдызхан Байназарұлы мемлекеттік мекеме қызметкерлеріне күнделікті қызметте әдептілік нормаларын сақтауды және заңнамалық талаптарды бұзбау жайлы тоқталып өтті.

Әдеп жөніндегі уәкілдің жұмыс жоспарында жергілікті атқарушы орган қызметкерлерінің Әдеп кодексін түсіндіру жұмыстары енгізілген.

Қазіргі таңда мемлекеттік мекемелерде мемлекеттік әкімшілік қызметшіде, келісім-шарт негізіндегі мамандар да жұмыс жасайды. Осы ретте Әдеп кодексін сақтау барлық қызметшіге ортақ болып табылады.

Кездесуді қорытындылаған аудан әкімінің орынбасары, Әдеп жөніндегі уәкіл Ж.Еркусаев әрқашанда әрбір қызметкер қоғамдағы адамгершілікке жат әрекеттерден сақ болып, тәртіп пен жауапкершілікті үнемі назарда ұстау керектігін атап айтып өтті.