Мемлекеттік қызметкердің әдебі сараланды

Жуырда аудан әкімінің орынбасары әрі Әдеп жөніндегі уәкілі Әділ Қошалақов мемлекеттік қызметшінің қызметтік әдеп нормасын бұзбауды және оны алдын алу мақсатында жиын өткізді. Кездесу барысында мемлекеттік қызметкерге қойылатын талаптарға тоқталып өтті. Сонымен бірге, мемлекеттік қызмет көрсетудің стандарттары мен регламенттердің сақталуы, электронды түрде көрсетілетін қызметтердің үлесін арттыру, мүмкіндігі шектеулі азаматтардың мемлекеттік қызмет алуы кезінде оларға қажетті жағдай жасалуы, олардың қолжетімді ақпарат алуын қамтамасыз ету талаптарының орындалуы жайлы сөз етті. Кездесуге қатысқан азаматтар өзара пікірін ортаға салды.  Бұл кеңестің ерекшелігі мемлекеттік қызметшілердің теріс қылығын теру емес,  керісінше қызметтік әдеп нормасын бұзушылықтың алдын алуға басымдық береді.