Қармақшы ауданы әкімінің орынбасары Қармақшы ауданы бойынша әдеп жөніндегі уәкіл Ә.Қошалақов Қармақшы ауылдық округіндегі ауыл тұрғындарымен кездесті. Кездесу барысында әдеп жөніндегі уәкілдің міндеттері мен жұмыс бағытына тоқталып өтті. Сонымен бірге мемлекеттік қызметшілерге қойылатын талаптар, мемлекеттік қызмет көрсетудің стандарттары мен регламенттердің сақталуы, электронды түрде көрсетілетін қызметтердің үлесін арттыру, мүмкіндігі шектеулі азаматтардың мемлекеттік қызмет алуы кезінде оларға қажетті жағдайлар жасалуы, олардың қолжетімді ақпарат алуын қамтамасыз ету талаптарының орындалуы жайлы әдеп жөніндегі уәкілдің назарында болатындығын жеткізді.