"Nur Otan" партиясында мәдениет саласының қызметкерлерімен кездесті

Бүгін «Nur Otan» партиясы аудандық филиалында Елбасы Н.Назарбаевтың «Сенім. Диалог. Болашаққа нық қадам – «Nur Otan» партиясының 7 серпіні» бағдарламасы бойынша мәдениет саласының қызметкерлерімен кездесу өтті.

Кездесудің мақсаты «Nur Otan» партиясы төрағасының тапсырмасына сәйкес, халықпен нақты жұмыс істеу қағидатын енгізе отырып, қарқынды ақпараттық-идеологиялық жұмысты ұйымдастыру және партия төңірегіне жастарды топтастыру. Лайықты емес партия мүшелерін шығару шараларын қабылдау.

Шарада аудандық партия филиалы төрағасының бірінші орынбасары Дастан Буханов «Теміржол» БПҰ партия мүшелерімен бас қосып, 7 серпін бойынша аудандық мәдениет және тілдерді дамыту бөлімі басшысының уақытша міндетін атқарушы Ермек Нареновтың баяндамасын тыңдады.

–Жыл басынан бері «Теміржол» БПҰ мүшелерінің зейнеткерлікке шығуы мен басқа облысқа көшіп кетуіне байланысты партиядан 43 партия мүшесі шығарылса, осы жылда 36 адам партияға салтанатты түрде қабылданды. Елбасы айтқандай партияның санына емес сапасына басты назар аударудамыз. «Теміржол» БПҰ мүшелерінің қатысуымен бірқатар жобалар қолға алынып, жүзеге асырылды. Атап айтсақ, кешегі Төтенше жағдай кезінде аудан бойынша 1479 мәдени шаралар өткізілді. Әлеуметтік желіде партия атынан парақша ашылып, халыққа қажетті ақпараттар таратылды, – деді Е.Наренов.

Өз кезегінде аудандық партия филиалы төрағасының орынбасары бастауыш партия ұйымының мүшелеріне пария жұмысын жетілдіру жөнінде бірқатар ұсыныстарын жеткізді.