ЖОСАЛЫ, 19 желтоқсан – qarmaqshy-tany.kz Ел Тәуелсіздігінің 28 жылдық мерекесіне орай, «Nur Otan» партиясының мақсат-міндеттерін жүзеге асырудағы белсенді қызметтері үшін «Теміржол» бастауыш партия ұйымына қарасты партиялық топ мүшелерін марапаттау рәсімі өткізілді.

«Теміржол» бастауыш партия ұйымының төрайымы Наурызбаева Нұршат Бегежанқызы партия мүшелерін еліміз үшін айтулы мереке Тәуелсіздік күні мерекесімен құттықтап, аудандық тұрғын үй коммуналдық шаруашылық жолаушылар көлігі және автомобиль жолдары бөлімінің көлік жүргізушісі Бектай Қаужанұлы және аудандық ауылшаруашылық бөлімінің сектор меңгерушісі Жағыпар Асанұлы «Nur Otan» партиясы Қызылорда облыстық филиалы төрағасының бірінші орынбасары Әлназарова Ақмарал Шәріпбайқызының алғыс хатымен марапаттаса, аудандық мәдениет және тілдерді дамыту бөлімінің бас маманы Еркінбек Бөрібайұлы «Нұр Отан» партиясы Қармақшы аудандық филиалы төрағасының бірінші орынбасары Буханов Дастан Әбдібекұлының алғыс хатымен марапатталды.