ПАРТИЯ ПӘРМЕНІ
Жуырда «NurOtan» партиясының кезекті ХVІІІ съезіндегі Мемлекет басшысы, Партия төрағасы Н.Назарбаевтың тапсырмасын түсіндіру мақсатында «Нұр Отан» партиясы аудандық филиалы төрағасының бірінші орынбасары Д.Бухановтың қатысуымен аудандық партия активінің отырысы өтті.
Сондай-ақ партия филиалында «7-20-25» тұрғын үй бағдарламасының негізгі механизмін түсіндіруге арналған бірыңғай азаматтарды қабылдау күніне» орай республикалық акция ұйымдастырылды. Оған «Нұр Отан» партиясы аудандық филиалы төрағасының бірінші орынбасары, аудандық мәслихат депутаты Д.Буханов, аудандық ардагерлер кеңесінің төрағасы Қ.Есдәулетов, аудандық мәслихат депутаты, фракция жетекшісі А.Қаржаубаев, К.Раева, аудандық тұрғын үй коммуналдық шаруашылық жолаушылар көлігі және автомобиль жолдары бөлімінің бас маманы М.Саршаева, «Қазақстан Халық Банкі» АҚ Байқоңыр өңірлік филиалының менеджері А.Муминовалар қатысты. Жиында айтулы тұрғын үй бағдарламасының негізгі механизмдері бойынша тұрғындар арасында түсіндірме жүрді.
Сәрсенкүл РАЙЫМБАЕВА,
«Қармақшы таңы».
