Бүгін аудандағы «Nur Otan» партиясы ғимаратында Тұңғыш Президент күніне орай партия қатарына салтанатты қабылдау рәсімі өтті.

Оны «Nur Otan» партиясы Қармақшы аудандық филиалы төрағасының бірініші орынбасары Дастан Буханов жүргізіп, қызметте белестерді бағындырып жүрген сала мамандарын құттықтап, партия билетін салтанатты түрде тапсырды.

– Тәуелсіз Қазақстанның ширек ғасырда жеткен жетістіктері мен бүкіл әлем таңдай қаққан табыстары Тұңғыш Президенттің ерен еңбегінің нәтижесі. «Nur Otan» – Елбасының партиясы. Сондықтан елін, жерін сүйетін, халқына адал қызмет ететін әрбір азамат осы партияның қатарынан табылуы тиіс деп ойлаймын. Елбасы салған дара жолдан жаңылмай, көш алдынан көріну енді сіздердің абыройлы міндеттеріңіздің арқасында болмақ, – деді ол өз сөзінде.

Шара соңында жаңа партия мүшелері еліміздегі басты саяси күштің дамуына өз үлестерін қосатынына сенім білдірді.