Азаматты туған жерінің қасиетті топырағы жаратады
Темірбек Жүргенов атындағы қоғамдық қордың төрағасы, Қармақшы ауданының құрметті азаматы Сәпен Аңсатовты қабылдадым.
Кездесу барысында қоғамның рухани адамгершілік құндылықтары және қалымды қаламгердің 80 жасқа толған мерейтойы аясында атқарылған шаралар мен «Айтарым бар» жаңа кітабының тұсау кесері жайлы сұхбаттастық.
Елім деп аянбай еңбек еткен, күш жігерін аямаған ардақты ағаларымыздың есімін ұлықтау, жас ұрпаққа үлгі - өнеге ету – азаматтық парызымыз.
Қай кезеңде де ұрпақтар сабақтастығының жөні бөлек. Осы ретте, әдебиетші, сарабдал сыншы, Сәпен Әбдіқадырұлы біздің буынымыз үшін өте қадірлі екенін айтуға тиіспіз.
Өйткені өз заманында облысымыздың экономикамыздың өсіп – өркендеуінде, Қазақстанның еңбек сіңірген инженері және қоғам қайраткерінің өлкенің дамуына қосқан үлесі өлшеусіз.
