Сот медиация тәртібіндегі келісімді бекітті

Қазақстан Республикасының Азаматтық процессуалдық кодексіне сәйкес Қармақшы аудандық сотына түсіп жатқан талап қою арыздары татуластыру рәсімдерін жүргізу үшін татуластырушы-судьяларға беріледі. Судьялар 10 жұмыс күні ішінде татуласу келісіміне жету үшін тараптар және олардың өкілдерімен түсіндіру жұмыстарын жүргізеді. Осындай жұмыс оң нәтижелерін беруде.Қармақшы аудандық сотында талап қоюшы Г.Ж.-ның жауапкер К.Л.-ден қарыз ақша өндіру туралы азаматтық іс қаралды.Талап арызда талап қоюшы 2018 жылғы келісімшартқа сай берешек 245 000 теңге және сот шығындарын жауапкерден өндіруді сұраған.Нәтижесінде тараптар дауды медиация тәртібімен реттеу туралы келісім жасасып, келісім шарттарына сәйкес, жауапкер талап қоюшыға 245 000 теңгені 2020 жылдың 13 қараша айынан бастап 2021 жылдың 13 тамыз айына дейін ай сайын 24 500 теңгеден бөліп төлеуге міндеттенді, талап қоюшы талабынан бас тартты. Істі қарау барысында судья медиацияның тиімділігін түсіндіру нәтижесінде тараптар дауды медиация тәртібімен реттеу туралы келісімге қол жеткізізді. Сот келісімді бекітіп, іс бойынша іс жүргізу тоқтатылды.Осылайша, дау татуласумен аяқталып, олардың арасындағы достық қарым-қатынасы сақталды.