Ардагер ұстаздар мен білім қызметкерлері марапатталды

Ұстаз … Қандай қасиетті сөз! Әр адамның жүрегіне ерекше жылулық нұрын себетін аяулы тұлға бейнесімен өзектес ұғым. Адам баласының жүрегіндегі қадір тұтып, құрметтейтін екі ұғым болса, оның бірі – Ұстаз.
Киелі Қармақшы өңіріне облыстық білім кәсіподағы комитетінің төрағасы Есқалиева Гүлнар Бабабекқызы арнайы келіп аудандық білім бөлімі басшысы Нәзікбаев Дастан Мырзабекұлымен бірге мерейтой иелері ардагер ұстаздарымызды және шығармашылықпен жұмыс жасап жүрген білім қызметкерлерін құттықтады. Сонымен қатар биылғы оқу жылы бойынша «Алтын белгі» иегері атанған оқушылардың бастауыш сынып ұстаздарына Түркістан облысындағы «Біркөлік» шипажайына жолдама табыс етті.