Қармақшы аудандық сотында «Медиация және татуластыру рәсімдері» тақырыбында онлайн форматта дөңгелек үстел өткізілді

Іс шараға Қармақшы аудандық сотының төрағасы Д.Кентбаев, кәсіби емес медиатор У.Умиртаев, қорғаушы Г.Қадырбаева және АХАТ бөлімінің өкілі Ж.Зарлыкованың қатысуымен «Медиация және татуластыру рәсімдері» тақырыбында онлайн форматта дөңгелек үстел өткізді.

Сот төрағасы Д.Кентбаев өз баяндамасында: «Медиация – жанжалдарды шешу кілті, дауларды реттеу баламасы. Сотқа дейінгі дауларды шешу, өзара тиімді және бейбіт келісімге қол жеткізу, дауласушылық деңгейін төмендету және екі жақты да қанағаттандыруға қол жеткізеді. Осылайша, тараптардың уақыты мен қаражатын үнемдейді, сот жұмысын жеңілдетеді. Сонымен қатар, алғаш рет әлемдік тәжірибеде жаңа Азаматтық процестік кодексінде адвокаттарға бітімгершілік рәсім жасау құқығы берілді. Тараптарға сот медиациясы арқылы дауларды реттеудің оңтайлы жолы ұсынылды, бітімгершілік келісім институты сақталды. Оның ішінде партисипативтік рәсім жаңашылдық болып табылады, яғни адвокаттар дауласушы тараптардың мәселесін бітімгершілік келісім арқылы шешуге тартатын болады. Келісімнің шартын істі қараған судья (сотқұрамы) бекітеді» - деп атап өтті.