Болашақ инста жұлдыз

Бүгінгі қарыштап дамыған заман көшіне ілесіп, жаңа технологияны меңгеру үлкен буынға қиындық келтіргенімен, кішкене бүлдіршіндер лезде іліп әкетуде. Оған дәлел – «Айым-Ерке» балабақшасының тәрбиеленушісі Жанель Ғалымбекқызы. Ол отбасындағы екінші перзент. Нәбәрі 5 жастағы бүлдіршін ғаламторды еркін пайдаланып қана қоймай, қазір жас буын арасында сәнге айналған «TikTok» бағдарламасын өте жақсы меңгерген. Ол арқылы түрлі әуенге әзілге толы видео түсіреді. Онда Жанельдің еркелігі, түрлі образды бейнелеуі, өнерге бейімділігі байқалады. Сондай-ақ Жанель балабақшаның мерекелік ертеңгіліктерінде ән айтып, би де билейді. Отбасылық, спорттық сайыстарға да белсенді қатысып, көп алдында қымсынбай өнер көрсетеді. Бос уақытында сурет салғанды, бояғанды ұнатады. Өзінің айтуынша, өскенде дәрігер болғысы келеді. Ал біз оның видеоларына қарап болашақ жұлдызды көргендейміз. Десе де, келешегі кемел, өмірі қуанышқа толы болуына тілекшіміз.