Мен былтырғы желтоқсан айынан бастап шағын жеке кәсібімді бастаған болатынмын. Үйден тәтті торттарды тапсырысқа пісіремін. Әлемді шарлаған індет елде, облыс көлемінде тіркелген соң, оның таралуын болдырмау мақсатында барлық жолдар жабылды. Ал мен тортқа қажетті кондитерлік өнімдерді қаладан алдыратынмын. Соған байланысты кәсібім бәсеңдеді. Одан бөлек, көпшілік жиындарға тыйым салынғандықтан, тапсырыс берушілер де тоқтады. «Енді қалай болар екен?» деген күдіктің көңілді жайлағаны рас. Алайда, жаңалықтардан төтенше жағдайға орай табыссыз қалғандарға арналған 42500 теңгелік жәрдемақы туралы естіп, үйден шықпай-ақ телеграм каналы арқылы өтініш бердім. 3 күн шамасында өтінішім қаралып, жауабы келді. Үйімізден шықпай-ақ, қиындықсыз ақша алу дегеніміз – дамыған мемлекет екеніміздің бір дәлелі. Қысылтаяң уақытта қанатының астына алып, қолдау білдірген мемлекетке алғысым шексіз.