Тапсырыс берушілер де дән риза

Жұмыс істеймін деген жанға екі қолға бір күрек табылады. Тіпті үйде отырып өзің қалаған іспен айналысуға мүмкіндік көп. Қазірде тәтті бәліштің сан түрі бар. Кез келген туған күн мерекеде дастарқан тәттісіз  болмайды.  Гүлмира Сисенбенбаева 2013 жылдан түрлі тіл үйірер тәттіні дүкендерге өткізуден бастаған. Кейін келе осы іске қызығушылығы оянып, әрі қарай дамытуды көздейді. Қазірде Дүр Оңғар ауылында өзінің азық-түлік дүкені бар. Одан бөлек, үйдің жанынан бір бөлме ашып онда арнайы кондитерлік өнімдер дайындайды. Тапсырыспен бәліш, торт жасайды. Кейіпкеріміз уақыт талғамайды, тіпті тапсырыстарын таңға дейін әзірлейді. Қала берді екі жасқа арналған көпқабатты тортқа да тапсырыс қабылдайды. Тапсырыс берушілер де дән риза.