Қармақшы аудандық қорғаныс істері жөніндегі бөлімде азаматтарды мерзімді әскерге шақыру бойынша атқарылатын жұмыстар пысықталды.Аудандық мерзімді әскерге шақыру комиссиясының төрағасы, аудан әкімінің орынбасары Жарқын Тұрмаханұлы басшылығымен кент және ауылдық округтер әкімдіктерінде әскери есеппен айналысатын мамандардың оқу-әдістемелік жиыны өтті.
Сала мамандарына азаматтарды мерзімді әскерге шақыру науқанында жүргізілетін жұмыстарға бағыт-бағдар берілді.
Оқу–әдістемелік жиын барысында үстіміздегі жылдың көктемгі мерзімді әскерге шақыру жұмыстарының даярлығын арттыру бойынша жүргізіліп жатқан жұмыстар сараланды.