ЖОСАЛЫ, 25 желтоқсан – qarmaqshy-tany.kz Аудандық сотында Мемлекет басшысы Касым-Жомарт Тоқаевтың алғашқы «Сындарлы қоғамдық диалог – Қазақстанның тұрақтылығы мен өркендеуінің негізі» атты Жолдауына қатысты брифинг өтті. Брифингке аудандық соттың төрағасы Дархан Кентбаев және «Қармақшы таңы» газетінің тілшісі Ерсін Садуұлы қатысты.

   Брифинг барысында сот төрағасы БАҚ өкіліне, Жолдаудың «Азаматтардың құқықтары мен қауіпсіздігін қамтамасыз ету» бөлігіне тоқталып, оның ішінде азаматтардың құқықтарын қорғаудың және олардың қауіпсіздігін күшейту, азаматтардың негізгі құқықтарын қамтамасыз ету, жыныстық зорлық-зомбылық, педофилия, есірткі тарату, адам саудасы, әйелдерге қатысты тұрмыстық зорлық-зомбылық және басқа да ауыр қылмыстарға, әсіресе, балаларға қатысты қылмыстарға қолданылатын жазаны қатайту, сыбайлас жемқорлықпен күресті жан-жақты күшейту мәселесін атап өтті.

  Сонымен қатар, БАҚ өкілі TrueConf мобильді бейнебайланыс жүйесін пайдалану арқылы азаматтық істі қарау процесімен, осы жүйе арқылы тараптар сотқа келмей-ақ өз смартфондарын пайдалану арқылы процеске қашықтықтан қатысқанымен танысып өтті.

    Шара соңында сот төрағасы Д.Кентбаев «Қармақшы таңы» газетінің тілшісіне ынтымақтастық үшін алғысын білдірді.