ЖОСАЛЫ, 20 қараша - qarmaqshy-tany.kz Қармақшы аудандық сотымен Қазақстан Республикасының Әкімшілік құқық бұзушылық туралы Кодексінің 73-бабының 1-бөлігімен азамат Н-ге қатысты әкімшілік құқық бұзушылық туралы іс қаралды.

Іс құжаттарына сәйкес, құқық бұзушы Н. отбасы-тұрмыстық қатынастағы әйелі Г.-ға балағат сөздер айтып, былапыт сөйлеп қорлап тиісіп, отбасы-тұрмыстық қарым-қатынастағы адамға сыйламаушылық білдіретін әрекеттер жасаған.

Сот отырысында жәбірленуші құқық бұзушыны кешіргенін айтып, әкімшілік жауаптылықтан медиациялық келісім негізінде татуласуына байланысты босатуды сұраған.

Соттың қаулысымен әкімшілік іс ҚР ӘҚБтК 64-бабына сәйкес медиациялық келісім негізінде татуласуына байланысты тоқтатылды. Қаулы заңды күшіне енген.