Әкімшілік іс медиация тәртібімен тоқтатылды
Қармақшы аудандық сотымен Қазақстан Республикасының Әкімшілік құқық бұзушылық туралы Кодексінің 73-бабының 1-бөлігімен азамат Ж-ға қатысты әкімшілік құқық бұзушылық туралы іс қаралды.
Іс құжаттарына сәйкес, құқық бұзушы Ж. отбасы-тұрмыстық қатынастағы жолдасы А.-ға балағат сөздер айтып, былапыт сөйлеп қорлап тиісіп, отбасы-тұрмыстық қарым-қатынастағы адамға сыйламаушылық білдіретін әрекеттер жасаған.
Сот отырысында жәбірленуші құқық бұзушыны кешіргенін айтып, әкімшілік жауаптылықтан медиациялық келісім негізінде татуласуына байланысты босатуды сұраған.
Соттың қаулысымен әкімшілік іс ҚР ӘҚБтК 64-бабына сәйкес медиациялық келісім негізінде татуласуына байланысты тоқтатылды.
Қаулы заңды күшіне енген жоқ.
Қайнар: Қармақшы аудандық сотының баспасөз қызметі
