Қармақшы аудандық сотында әкімшілік іс медиация тәртібімен тоқтатылды

Қармақшы аудандық сотында құқық бұзушы Р.-ға қатысты Қазақстан Республикасы ӘҚБтК-нің 73-2-бабының 1-бөлігімен қозғалған әкімшілік құқық бұзушылық туралы іс қаралды.

Сотта, құқық бұзушы Р.-ның, өз үйінде отбасы-тұрмыстық қатынастағы жолдасы Д.-ны ұрып тән ауруына ұшырататын күш қолдану әрекеттерін жасағаны анықталды.

Сотта істі қарау барысында құқық бұзушы Р., өз кінәсін мойындап, азаматша Д.-дан кешірім сұрап, соттан жәбірленушімен медиация тәртібімен татуласуына байланысты, әкімшілік жауаптылықтан босатуды және іс жүргізуді тоқтатуды сұрады.

Аудандық соттың қаулысымен құқық бұзушы Р., Қазақстан Республикасы ӘҚБтК-нің 64-бабының 1-бөлігінің негізінде жәбірленушімен татуласуына байланысты әкімшілік жауаптылықтан босатылып, әкімшілік ісі өндірістен медиация тәртібімен тоқтатылды.

Қаулы заңды күшіне енбеген.

Қайнар:

Қармақшы аудандық сотының баспасөз қызмет