Әкімшілік іс медиация тәртібімен тоқтатылды
Қармақшы аудандық сотында ҚР ӘҚБтК-нің 73 бабының 1 бөлігімен азамат Ш-ға қатысты әкімшілік құқық бұзушылық туралы іс қаралды.
Іс құжаттарына сәйкес, құқық бұзушы Ш. отбасы-тұрмыстық қатынастағы апасы А-ға балағат сөздер айтып, былапыт сөйлеп қорлап тиісіп, отбасы-тұрмыстық қарым-қатынастағы адамға сыйламаушылық білдіретін әрекеттер жасаған.
Сотта жәбірленуші А. құқық бұзушы Ш.-мен медиация арқылы өзара татуласып, бітімгершілікке келгендерін көрсетті.
ҚР ӘҚБтК-нің 73-бабының 1-бөлігімен Ш-ға қатысты әкімшілік іс жәбірленушімен медиация арқылы бітімгершілікке келуіне байланысты және ӘҚБтК-нің 64-бабына сәйкес сот өндірісінен тоқтатылды.
Қайнар:
Қармақшы аудандық сотының баспасөз қызметі
