Қармақшы аудандық сотымен неке бұзу туралы азаматтық іс медиативтік келісімін бекітуімен тоқтатылды.
Іс құжаттарына сәйкес, талапкер Е. неке бұзу туралы талап арызымен сотқа жүгініп, арызында жауапкермен мінездері үйлеспегені, мүліктік даулары және баланы тәрбиелеу туралы даулары жоқтығын көрсетіп некені бұзуды сұраған.
Сот отырысында тараптар кәсіпқой емес медиатор кеңесімен бітімгершілікке келіп татуласқандарын көрсетіп, іс жүргізуді тоқтату жөніндегі өтініштерін ұсынды.ҚР АПК-нің 277-бабының 6-тармақшасына сәйкес тараптар дауды (жанжалды) медиация тәртібімен реттеу туралы келісім жасаса және оны сот бекітсе, сот іс бойынша іс жүргізуді қысқартады.
Сот медиация тәртібімен реттеу туралы келісімін бекітіп, азаматтық ісі бойынша іс жүргізу тоқтатылды.