» » Мейірім сәулесі

Мейірім сәулесі

Қармақшы таңы. Ауданда игі істің басы-қасында жүрген мейірімді жандар аз емес. Бар еңбегін көмек пен қызметке арнағандар күнделікті өмірде жақсылық жасаудан жалықпайды. Сондай жанның бірі − Бақыткүл Райымбаева.
Өңірдегі «Аңсаған» мүмкіндігі шектеулі балалар қоғамдық бірлестігінің төрайымы Бақыткүл Сейіткәрімқызы ерекше балалардың шығармашылық әлеміне жол ашып, жаңа бастамаға бағыт сілтеп жүр. Жақында осы бірлестіктің ұйымдастырылуымен балалардың қолөнерлік қабілетін шыңдау мақсатында «Алтын күз» ертеңгілігі өтті.
− Балалар өз қолымен көкөніс, жеміс-жидектен аппликация жасады. Шарада ән айтылып, дарынды балалар жыр жолдарын оқыды. Ертеңгілікке арнайы Халықаралық «Қазақ тілі» қоғамдық бірлестігінің аудандық филиалының төрайымы, мәслихат депутаты Күлжауһар Раева, «Ұрпақтан-ұрпаққа» қоғамдық бірлестігінің төрайымы Үрзахия Махамбетова қатысып, шәкірттерімді жетістіктері үшін марапаттады. Бірлестік мүшелерінің шығармашылығын дамыту, қолдау көрсету мақсатында өткен мерекелік шара көтеріңкі көңіл-күй сыйлап, шабытын шыңдады, − дейді Бақыткүл Райымбаева.
Мұндай басқосулар қоғамдық бірлестікте жиі өтіп тұрады. Балалар арасында өткен кезекті шарада қолөнер туындыларын, яғни жеміс-жидектерден түрлі шеберліктерін жасап көрсеткен.
Біздің қоғам пейілі кең, жүрегі жылы адамдарға кемде емес. Соның бір парасы − өзіміздің өңірде де көрініс табуда. Мейірім сәулесі түскен жер әрқашан гүлдеп, көркейе бермек.

Аслан Жайқонысұлы
10 қазан 2019 ж. 1 140 0

PDF нұсқалар мұрағаты

№24 (10289)

23 наурыз 2024 ж.

№23 (10288)

19 наурыз 2024 ж.

№22 (10287)

16 наурыз 2024 ж.

Суреттер сөйлейдi

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031