АНАРДЫҢ АЛҒАН БЕЛЕСІ
Жақында Асқар Тоқмағанбетов атындағы облыстық мәдениет үйінде мүмкіндігі шектеулі балалардың дәстүрлі VІІІ облыстық «Жүрек жылуы» фестивалі өтті.
Оған «Аңсаған» мүмкіндігі шектеулі балалар қоғамдық бірлестігінің мүшесі Анар Жанаева қатысып, талабы мен талантын сарапқа салды. Қазылар шешімімен қолөнерші Анар жүлделі ІІІ орынды жеңіп алып, облыстық мәдениет және тілдерді дамыту басқармасының алғыс хатымен марапатталды.
– Анар – қоғамдық бірлестікке 11 жасынан мүше. Ерекше қыз бұған дейін де бірқатар сайысқа түсіп, шебер қолынан шыққан кілемше, кесте бұйымдарын паш етуде. Тоқу, тігу – Анардың сүйікті ісі. Шәкіртім мұнымен қоса, ас мәзірінде де жетік. Ол отбасында түрлі тағамды дәмді етіп даярлауда алдына жан салмайды. А.Жанаева – ізденімпаз әрі тынымсыз еңбек иесі, – дейді бірлестік төрайымы Бақыткүл Сейткәрімқызы.
Сәрсенкүл АҚКІСІ,
«Қармақшы таңы».
