Қыстың қамы қазірден
Биыл Төребай би ауылы диқандары үшін табысты болды. Бақша дақылын егіп, оны көрші елді мекен мен мына шеті Қызылорда қаласы, Төретам кенті, сондай-ақ Ақай ауылы және Байқоңыр тұрғындарына арзан бағамен сатуды үрдіске айналдырған төребайбиліктер осы жылы да қалыптарынан танбады.
Бақшашылар науқан басталғалы бері Төретам кенті мен Ақай ауылдарында жергілікті әкімдікпен бірлесе отырып ауыл шаруашылығы өніміне арналған жәрмеңкелер ұйымдастырып келеді.
Ал, осы аталған елді мекен тұрғындары болса диқан қауымның еселі еңбегіне дән риза. Арзан әрі дәмді қауын-қарбыздарды сатып алып, отбасылық дастарқан мәзірін толтыруда. Тіпті, бақшашылар ұсынған қияр, қызанақ, басқа да көкөніс түрінен қысқа қам қылуда.
Биылғы Төребай би ауылы диқандары үшін жемісті жыл болуда. Ауыл азаматтарының жаз бойы баптап өсірген дақылдарына сұраныс жоғары. Жәрмеңкелер жұрттың ойынан шығыпғ алғысын білдіруде, – дейді Жосалы ауылдық округінің әкімі Сәрсенкүл Есқалиева.
Нұрбай ӘБІЛАХАТҰЛЫ
