АУДАНДЫҚ СЕМИНАР ӨТКІЗІЛДІ
Аудандық білім бөлімінің жоспарына сәйкес №284 мамандандырылған мектеп-лицей-интернаты базасында «Қаржылық сауаттылықты қалыптастыру: практикалық қолдау мен кеңес» тақырыбында семинар өткізілді.
Іс-шара барысында қатысушыларға жеке қаржыны тиімді басқару, бюджетті жоспарлау, қаржылық мақсаттарды айқындау және үнемдеу құралдары бойынша жан-жақты ақпарат ұсынылды. Сонымен қатар, қаржылық шешімдерді дұрыс қабылдауға бағытталған практикалық ұсынымдар берілді.
Семинар аясында қатысушылар өздерін қызықтырған сұрақтарға жауап алып, нақты мысалдар арқылы тәжірибелік дағдыларын жетілдірді.
Аталған іс-шара мұғалімдердің қаржылық сауаттылығын арттыруға, сондай-ақ қаржылық мәдениетті қалыптастыруға бағытталған маңызды қадам болып табылады.
