Оқу курсының жаңа аптасы басталды

Бүгін Байқоңыр қаласында "Қарызсыз қоғам" партиялық жобасы аясындағы оқу курсының жаңа аптасы басталды.

Қаржылық сауаттылықты арттыруға бағытталған оқу курсына білім саласының 90 өкілі қатысуда. "AMANAT" партиясы Байқоңыр филиалының Атқарушы хатшысы Мақсат Есбенбетов қатысушыларға сәттілік тілеп, қазіргі таңда кез келген адамға қаржы саласында сауатты болу және қаржылық білімдерін арттыру өте маңызды екендігі туралы атап өтті.

Қатысушылар семинар барысында "Жеке қаржыны басқару" курсынан өтіп, жеке және отбасылық бюджетті жоспарлау және оны бақылау, несиелер мен гранттар, қаржыны тиімді пайдалану туралы ақпарат алады.