АЛҒЫСҚА ТОЛЫ ЖҮРЕК, ІЗГІЛІККЕ ТОЛЫ ТІЛЕК
Білім бөлімі мен кәсіподақ комитетінің ұйымдастыруымен 1 наурыз – Алғыс айту күніне орай оқушылар Үйінің базасында «Алғысқа толы жүрек, ізгілікке толы тілек» атты мерекелік қабылдау өтті.
Шараның басты мақсаты – білім беру ұйымдарында еңбек етіп жүрген техникалық қызметкерлерге құрмет көрсету, олардың адал еңбегін бағалап, ризашылық білдіру болды.
Іс-шара барысында Қармақшы ауданы бойынша білім бөлімінің басшысы Жәнібеков Берік Съездұлы құттықтау сөз сөйлеп, еңбек адамдарының қоғамдағы орны ерекше екенін атап өтті. Қызметкерлер алғыс хаттарымен марапатталып, бағалы сыйлықтар табысталды.
Мерекелік кеш барысында әсем әндер орындап, көрермен жүрегіне жылы әсер сыйлады.
Бұл шара – адал еңбегімен білім беру ұйымдарының тыныс-тіршілігін қамтамасыз етіп жүрген жандарға деген шынайы құрметтің көрінісі болды.
