Таркан әке атанатын болды
Түріктің танымал поп-жұлдызы Таркан өмірінде алғаш рет әке атанатын болды.
Бұл туралы әнші өзінің ғаламтордағы парақшасында арнайы түрде мәлім етті.
«Бұл туралы жұрт жарысып жазып жатыр. Бізден тіпті күнде сұрайды. «Иә» дейміз сенбейді, «жоқ» десек те сенбейді. Ендеше өзім айтайын: рас, әке атанатын болдым. Мен өте бақыттымен және де бұл хабарыммен сіздермен бөлісіп отырмын», - деді твиттерде бейнеролик жариялаған Таркан.
«Жалпы 45 жастағы Таркан мен оның 32 жастағы әйелі Пынар Дилек балалы болады екен» деген әңгіме көптен бері тараған еді. Бірақ жұп бұл хабарға қатысты бір де бір рет тіс жармаған болатын.
