Ауғанстанның шығысындағы Гардез қаласында мешітте лаңкестік болып, 25 адам қаза тапты.
Тағы 80-нен астам тұрғын жарақат алды. Полицияның хабарлауынша, шабуыл адамдар намазға жиналған уақытта жасалған. Әйел киімін киген екі лаңкес алдымен адамдарға оқ жаудырып, содан кейін өздерін жарып жіберген. Әзірге шабуылды ешқандай лаңкестік ұйым мойынына алған жоқ. «Талибан» радикалды қозғалысы бұл шабуылға еш қатысы жоқ екенін мәлімдеп отыр. Ал ақпарат құралдары шабуыл кезінде мешітте 100-ден 600-ге дейін адам болғанын айтады.