Ауғанстанда жарылыс болып, 17 адам қаза тапты
Ауғанстанның шығысындағы Нангархар провинциясында жарылыс болды.
Салдарынан 17 адам қаза тапты. Тағы 30-ы жарақат алған. Оқиға Джелалабадтағы губернатор кеңсесінің жанында болды. Жергілікті ақпарат құралдарының хабарлауынша, жарылыс ел президенті Ашраф Ганидің шаһарға іс-сапары кезінде жасалған. Әзірге ешбір топ шабуылды мойнына алған жоқ. Бұған дейін Ауғанстанда тәліптермен жасалған бітім шарты аяқталып, қауіпсіздік күштері бұл қозғалысқа қарсы операцияларды бастап кеткені хабарланған еді. Ал ел президенті Ашраф Ганидің айтуынша, Талибан тобы соғыстан шаршаған және бейбітшілікті қалайды.
