Ауғанстан астанасы Кабул әуежайы маңында жарылыс болып, 9 адам қаза тапты.
Лаңкестік елдің бұрынғы вице-президенті Абдул-Рашид Дустум Түркиядан елге оралған сәтте жасалған. Ақпарат құралдарының хабарлауынша, жанкешті әуежай аумағына кіретін қақпаның алдында Дустум мінген көлік өтіп кеткен соң өзін жарып жіберген. Әзірге шабуылды ешқандай лаңкестік топ мойнына алған жоқ. Айта кетейік, Абдул-Рашид Дустум өткен жылы өзінің саяси қарсыласын ұрлап әкетіп, оған зорлық зомбылық көрсетті деген айыптардан соң Түркияға қашып кеткен. Бірақ ресми өкілі Дустумның елге дәрігерге қаралу үшін уақытша барғанын хабарлаған еді. Ал ресми дерекке қарағанда, ол 2016 жылы Джауздан провинциясында Ахмад Ишчиді ұрлап әкетіп, бірнеше күн қинаған.