Пәкістанның Белуджистан провинциясындағы лаңкестік әрекеттен қаза тапқандардың саны артты.
Соңғы ақпарға қарағанда, жарылыстан көз жұмғандардың саны 128-ге жеткен. Терактіні «Ирак және Левант лаңкестік ұйымы» мойнына алды. Еске сала кетейік, жарылыс кеше Мастунг қаласында өткен парламенттік сайлауалды науқан кезінде жасалды. Лаңкес халықтың арасына кіріп, өзін жарып жіберді. Шабуылдан «Белуджистан Авами» партиясының көшбасшысы қаза тапты. Жалпы елде соңғы күндері осымен үшінші рет теракт ұйымдастырылып отыр. Айта кетейік, елде парламенттік сайлау шілденің 25-де өтеуі тиіс.