Кубада әуе апатынан қаза тапқандар саны тағы артты

23.05.2018, 08:28 30 Кубада жұма күні болған ұшақ апаты кезінде аман қалған үш әйелдің бірі ауруханада қайтыс болды. Сөйтіп апат кезінде қаза тапқандардың саны 111-ге жетті. Қалған екі келіншектің халі ауыр. Олардың денелерін қатты күйік шалған. Еске сала кетейік, мамырдың 18-і күні ел астанасы Гаванадағы «Хосе Марти» әуежайынан Ольгин қаласына ұшып шыққан «Боинг-737» көп ұзамай апатқа ұшырады. Ұшақ әуежайдан шығып, 20 шақырымдай ұшқан соң кері қайтпақ болып бұрылған кезде, электр сымдарын іліп кетеді. Бірақ қазірге дейін апатқа нақты не себеп болғаны белгісіз. Қайғылы оқиға кезінде бортта 113 жолаушы отырған. Оның ішінде 5 бала бар. Тергеу әлі жүріп жатыр. Мамандар оқиға орынынан тек 1 ғана қара жәшікті тапты.