Кубада құлаған ұшақ бортында 110 адам болған
Ramon Espinosa/AP Гаванадан Ольгин қаласына бет алған «Боинг-737» ұшағы көкке көтеріліп 20 шақырымдай ұзаған соң әуежайға қайта оралмақ болып, кері бұрылған.
Осы кезде электр сымдарын іліп кеткен көрінеді. Ұшақ бортында 104 жолаушы мен 6 экипаж мүшесі болған. Олардың бесеуі шетелдік қалғаны осы елдің азаматтары. Апат аймағына 12 минуттың ішінде жеткен құтқарушылар 3 адамды аман тауып алды. Бірақ олардың бірі ауруханада көз жұмды. Қазір оқиға орынында іздестіру-құтқару шаралары жүріп жатыр. Оқиғаға қатысты тергеу басталды.
