Зеленский Украинада сайлауды онлайн өткізуді ұсынды
Украина президенті Владимир Зеленский елде сайлауды онлайн форматта өткізу мүмкіндігін қарастыруға дайын екенін айтты. Оның сөзінше, бұл мәселені шешу үшін парламент тиісті құқықтық тетік әзірлеуі қажет. Украина президенті бұл туралы Германияның ZDF телеарнасына берген сұхбатында мәлімдеді, деп хабарлайды Egemen.kz.
Зеленский сайлау ұйымдастырудағы басты қиындықтардың бірі майдандағы әскери қызметшілердің дауыс беруіне жағдай жасау екенін атап өтті.
«Қарулы күштер майданда жүр. Олар да сайлауға қарсы, өйткені дауыс беру мүмкіндігі жоқ. Бұл әділетті ме? Миллиондаған адам окопта отыр, ал техникалық тұрғыдан олардың дауыс беруін ұйымдастыру мүмкін емес», деді ол.
Украина президенті онлайн дауыс беру форматына көшу үшін парламент тиісті шешім қабылдауы керек екенін айтты.
