Иран: АҚШ біздің зымырандар қайда өндірілетінін білмейді
Фото: istockphoto.com
Иран Қарулы күштерінің ресми өкілі Әболфазл Шекарчидің мәлімдеуінше, АҚШ Иранның зымырандары қай жерде өндірілетінін білмейді, деп хабарлайды Egemen.kzОның айтуынша, елдегі зымыран өндірісі қақтығыстың қызған шағында да, кейін қол қойылған келісімнен соң да бір сәтке тоқтамаған.
Сонымен қатар Иранның Денсаулық сақтау министрлігіне сілтеме жасаған жергілікті БАҚ маусым айында АҚШ шабуылдарының салдарынан 53 бейбіт тұрғын қаза тауып, 592 адам жараланғанын хабарлады.
Ал АҚШ президенті Дональд Трамп Иран Ормуз бұғазындағы кемелерге шабуыл жасаған әрбір жағдайға жауап ретінде АҚШ Ирандағы бір көпірді немесе бір электр стансасын жоятындығын мәлімдеді.
Қазіргі уақытта АҚШ-тың Иранға жасаған әскери соққылары 11-күн қатарынан жалғасып жатыр. Өз кезегінде Иран Таяу Шығыстағы америкалық нысандарға шабуылдар жасауда.
