Цин династиясына жататын Қытай императоры Цянь Лун заманында жасалған фарфор құмыра Париждегі Сотбис /Sotheby's/ аукционында 19 миллион долларға сатылды. Бұл Франция бөлімінде бұрын-соңды болмаған рекордтық көрсеткіш. Тауар көзделген бағадан 20 есе қымбатқа сатылған. Ең қызығы, өнер туындысы Франция отбасыларының бірінің шатырындағы аяқ киім салатын қорап ішінен табылған. Ұзындығы 30 сантиметрді құрайтын құмыраның сыртында бұғы, құс және қарағай бейнеленген.  Сотбис-дің дерегі бойынша бұл әдемі туынды Қытай мен жапон мәдениеті сәнге айналған XIX ғасыр кезінде Францияға жеткізілген. Оның соңғы иесі 1947 жылы қайтыс болған. Ал жаңа иесі өзінің кім екенін құпия етіп сақтауды жөн санады.