Sotheby's аукцион үйінің Женевадағы бәссаудасында Еуропа патшалары әулетіне тиесілі болған гауһар 6 миллион 700 мың долларға сатылды.
Салмағы 6 караттан асатын асыл тастың иесі бірден анықталды. Себебі 300 жыл бойы Франция, Италия және Австрия патша әулеттерінің бірінің қолынан екіншісіне өткен гауһардың тарихы бай. «Фарнезе көгі» деп аталатын асыл тас Үндістандағы Голконда кен орнынан қазып алынған. Ал 1715 жылы Изабелла Фарнезе Испания королі Филип бесіншімен некелескен кезде сыйға тартылған.
Даниэла Маскетти, Sotheby's аукцион үйінің өкілі:
– Жалпы жақсы ойластырылып шебер нақышталған асыл тастар әрқашанда үлкен сұранысқа ие. Біз бастапқыда бұл гауһартас мұншалықты қымбатқа сатылады деп ойламаған едік. Сондықтан нәтиже біз күткеннен асып түсті десем болады.